يہ حکمت ملکوتي، يہ علم لاہوتي

يہ حکمت ملکوتي، يہ علم لاہوتي

حرم کے درد کا درماں نہيں تو کچھ بھي نہيں

يہ ذکر نيم شبي ، يہ مراقبے ، يہ سرور

تري خودي کے نگہباں نہيں تو کچھ بھي نہيں

يہ عقل، جو مہ و پرويں کا کھيلتي ہے شکار

شريک شورش پنہاں نہيں تو کچھ بھي نہيں

خرد نے کہہ بھي ديا 'لاالہ' تو کيا حاصل

دل و نگاہ مسلماں نہيں تو کچھ بھي نہيں

عجب نہيں کہ پريشاں ہے گفتگو ميري

فروغ صبح پريشاں نہيں تو کچھ بھي نہيں