نگاہ وہ نہيں جو سرخ و زرد پہچانے
کلیاتِ اقبال
Published 14 October 2026
نگاہ وہ نہيں جو سرخ و زرد پہچانے
نگاہ وہ ہے کہ محتاج مہر و ماہ نہيں
فرنگ سے بہت آگے ہے منزل مومن
قدم اٹھا! يہ مقام انتہائے راہ نہيں
کھلے ہيں سب کے ليے غربيوں کے ميخانے
علوم تازہ کي سرمستياں گناہ نہيں
اسي سرور ميں پوشيدہ موت بھي ہے تري
ترے بدن ميں اگر سوز 'لاالہ' نہيں
سنيں گے ميري صداخانزاد گان کبير؟
گليم پوش ہوں ميں صاحب کلاہ نہيں!
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔