شہيد محبت نہ کافر نہ غازي
کلیاتِ اقبال
Published 14 October 2026
شہيد محبت نہ کافر نہ غازي
محبت کي رسميں نہ ترکي نہ تازي
وہ کچھ اور شے ہے ، محبت نہيں ہے
سکھاتي ہے جو غزنوي کو ايازي
يہ جوہر اگر کار فرما نہيں ہے
تو ہيں علم و حکمت فقط شيشہ بازي
نہ محتاج سلطاں ، نہ مرعوب سلطاں
محبت ہے آزادي و بے نيازي
مرا فقر بہتر ہے اسکندري سے
يہ آدم گري ہے ، وہ آئينہ سازي
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔