بتاؤں تجھ کو مسلماں کي زندگي کيا ہے
کلیاتِ اقبال
Published 14 October 2026
بتاؤں تجھ کو مسلماں کي زندگي کيا ہے
يہ ہے نہايت انديشہ و کمال جنوں
طلوع ہے صفت آفتاب اس کا غروب
يگانہ اور مثال زمانہ گونا گوں!
نہ اس ميں عصر رواں کي حيا سے بيزاري
نہ اس ميں عہد کہن کے فسانہ و افسوں
حقائق ابدي پر اساس ہے اس کي
يہ زندگي ہے، نہيں ہے طلسم افلاطوں!
عناصر اس کے ہيں روح القدس کا ذوق جمال
عجم کا حسن طبيعت ، عرب کا سوز دروں!
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔