اقبال! يہاں نام نہ لے علم خودي کا
کلیاتِ اقبال
Published 14 October 2026
اقبال! يہاں نام نہ لے علم خودي کا
موزوں نہيں مکتب کے ليے ايسے مقالات
بہتر ہے کہ بيچارے ممولوں کي نظر سے
پوشيدہ رہيں باز کے احوال و مقامات
آزاد کي اک آن ہے محکوم کا اک سال
کس درجہ گراں سير ہيں محکوم کے اوقات!
آزاد کا ہر لحظہ پيام ابديت
محکوم کا ہر لحظہ نئي مرگ مفاجات
آزاد کا انديشہ حقيقت سے منور
محکوم کا انديشہ گرفتار خرافات
محکوم کو پيروں کي کرامات کا سودا
ہے بندہ آزاد خود اک زندہ کرامات
محکوم کے حق ميں ہے يہي تربيت اچھي
موسيقي و صورت گري و علم نباتات!
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔