کليسا کي بنياد رہبانيت تھي
کلیاتِ اقبال
Published 14 October 2026
کليسا کي بنياد رہبانيت تھي
سماتي کہاں اس فقيري ميں ميري
خصومت تھي سلطاني و راہبي ميں
کہ وہ سربلندي ہے يہ سربزيري
سياست نے مذہب سے پيچھا چھٹرايا
چلي کچھ نہ پير کليسا کي پيري
ہوئي دين و دولت ميں جس دم جدائي
ہوس کي اميري ، ہوس کي وزيري
دوئي ملک و ديں کے ليے نامرادي
دوئي چشم تہذيب کي نابصيري
يہ اعجاز ہے ايک صحرا نشيں کا
بشيري ہے آئينہ دار نذيري!
اسي ميں حفاظت ہے انسانيت کي
کہ ہوں ايک جنےدي و اردشيري
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔