شيرازہ ہوا ملت مرحوم کا ابتر
کلیاتِ اقبال
Published 14 October 2026
شيرازہ ہوا ملت مرحوم کا ابتر
اب تو ہي بتا، تيرا مسلمان کدھر جائے!
وہ لذت آشوب نہيں بحر عرب ميں
پوشيدہ جو ہے مجھ ميں، وہ طوفان کدھر جائے
ہر چند ہے بے قافلہ و راحلہ و زاد
اس کوہ و بياباں سے حدي خوان کدھر جائے
اس راز کو اب فاش کر اے روح محمد
آيات الہي کا نگہبان کدھر جائے!
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔