تو سرِ صحرا سمندر دے چلا، تو کون ہے

تو سرِ صحرا سمندر دے چلا، تو کون ہے اک اندھیرے گھر میں شمع رکھ گیا، تو کون ہے

اے اسیرِِ روز و شب، اے نا رسائے زندگی وقت کی تحریر پڑھ اور پھر بتا، تو کون ہے

اے سحر زادے! تری بیداریوں پر میں نثار اپنے چہرے سے ذرا پردہ ہٹا، تو کون ہے

کیا تجھے حق نے کہا تھا اپنا نائب دہر میں؟ سر اٹھا، نظروں سے نظریں تو ملا، تو کون ہے

اب مجھے اس حال میں سب چھوڑ کر جانے لگے تو گلے مل کر مجھے رونے لگا، تو کون ہے

یہ مجاہدؔ کس نے مجھ کو پیاس میں پانی دیا شکریہ، صد شکریہ، شکریہ، تو کون ہے