نوحۂ فلسطین

اے چشمِ فلک! تو دیکھ ذرا

انسان یہاں کس حال میں ہے تو دیکھ غزہ کی پٹی پر ہر سوختہ جاں کس حال میں ہے بیٹی کی رِدا کس حال میں ہے بیٹے کی اَنا کس حال میں ہے ہر باپ کا دل کس حال میں ہے ہر بوڑھی ماں کس حال میں ہے

اے چشمِ فلک! تو کیا جانے ان لوگوں پر کیا گزری ہے یہ غم زدگاں کس حال میں ہیں ہر خشک زباں کس حال میں ہے

ماں باپ کو بچے ڈھونڈتے ہیں اور وہ بچوں کو ڈھونڈتے ہیں کوئی کیا سمجھے کوئی کیا جانے کب کون کہاں کس حال میں ہے

یہ نوحہ و گریہ کچھ بھی نہیں اشکوں کا یہ ہدیہ کچھ بھی نہیں لفظوں کا یہ فِدیہ کچھ بھی نہیں ہرپِیر و جواں کس حال میں ہے

اے موسیٰ! تیری امت نے کیا ظلم کیا ہے لوگوں پر دل خون کے آنسو روتا ہے ہر شخص وہاں کس حال میں ہے