نہیں، میرا نہیں یہ گھر، نہیں یہ گھر نہیں میرا

نہیں، میرا نہیں یہ گھر، نہیں یہ گھر نہیں میرا بڑا خوش رنگ منظر ہے، مگر منظر نہیں میرا

مری بستی نہیں میری، مری ہستی نہیں میری مِری یہ جاں کسی کی ہے، میرا پیکر نہیں میرا

مجھے سونے کی خواہش ہے، سحر سونے نہیں دیتی یہ روز و شب نہیں میرے، مِرا بستر نہیں میرا

مسافر ہوں مگر منزل کا رستہ بھول بیٹھا ہوں یہاں مٹی، یہاں کنکر، یہاں پتھر نہیں میرا

مجاہدؔ جو کسی کم ظرف کے ہاتھوں سے ملتا ہو بلا کی پیاس میں بھی وہ بھرا ساغر نہیں میرا