نبیلہ صدف کے لیے

جشن ِنو روز کی ساعتیں مل گئیں شکر ربِ جہاں شکریہ اے صدف تو ملی تو سبھی خواہشیں مل گئیں شکر رب ِجہاں شکریہ اے صدف

رنگ بکھرے تو رنگوں میں رنگ آشنا اپنی رنگین دنیا سجاتے رہے میری دنیا کو بھی رونقیں مل گئیں شکر رب ِجہاں شکریہ اے صدف

شمعِ خورشید میں رونقیں چار سو،تو مِری جستجو، تو مِری آرزو میری تنہائی کو محفلیں مل گئیں شکر رب ِجہاں شکریہ اے صدف

دشتِ عالم بصد شوق پھیلا رہے ، میرے دل میں تمہارا اجالا رہے سرپھری زندگی کو حدیں مل گئیں شکر رب ِجہاں شکریہ اے صدف

تو رخِ ماہِ پرنور ہے اے صدف ہر مصیبت رہے تجھ سے دور اے صدف اس چمن کو تری چاہتیں مل گئیں، شکر رب ِجہاں شکریہ اے صدف