sīmāb-pusht garmī-e-ā.īna de hai ham

sīmāb-pusht garmī-e-ā.īna de hai ham

hairāñ kiye hue haiñ dil-e-be-qarār ke

āġhosh-e-gul kushūda barā-e-vidā hai

ai 'andalīb chal ki chale din bahār ke

yuuñ bād-e-zabt-e-ashk phirūñ gird yaar ke

paanī piye kisū pe koī jaise vaar ke

bād-az-vidā-e-yār ba-ḳhūñ dar tapīda haiñ

naqsh-e-qadam haiñ ham kaf-e-pā-e-nigār ke

zāhir hai ham se kulfat-e-baḳht-e-siyāh-roz

goyā ki taḳhta-e-mashq haiñ ḳhat-e-ġhubār ke

hasrat se dekh rahte haiñ ham āb-o-rañg-e-gul

mānind-e-shabnam ashk haiñ mizhgān-e-ḳhār ke

ham mashq-e-fikr-e-vasl-o-ġham-e-hijr se 'asad'

laa.iq nahīñ rahe haiñ ġham-e-rozgār ke

simab-pusht garmi-e-aina de hai hum

hairan kiye hue hain dil-e-be-qarar ke

aaghosh-e-gul kushuda bara-e-wida hai

ai 'andalib chal ki chale din bahaar ke

yun baad-e-zabt-e-ashk phirun gird yar ke

pani piye kisu pe koi jaise war ke

baad-az-wida-e-yar ba-KHun dar tapida hain

naqsh-e-qadam hain hum kaf-e-pa-e-nigar ke

zahir hai hum se kulfat-e-baKHt-e-siyah-roz

goya ki taKHta-e-mashq hain KHat-e-ghubar ke

hasrat se dekh rahte hain hum aab-o-rang-e-gul

manind-e-shabnam ashk hain mizhgan-e-KHar ke

hum mashq-e-fikr-e-wasl-o-gham-e-hijr se 'asad'

laiq nahin rahe hain gham-e-rozgar ke