luuñ vaam baḳht-e-ḳhufta se yak-ḳhvāb-e-ḳhush vale

luuñ vaam baḳht-e-ḳhufta se yak-ḳhvāb-e-ḳhush vale

'ġhālib' ye ḳhauf hai ki kahāñ se adā karūñ

ḳhush vahshate ki arz-e-junūn-e-fanā karūñ

juuñ ġhard-e-rāh jāma-e-hastī qabā karūñ

gar bā'd-e-marg vahshat-e-dil kā gila karūñ

mauj-e-ġhubār se pur yak dasht vā karūñ

aa ai bahār-e-nāz ki tere ḳhirām se

dastār gard-e-shāḳh-e-gul-e-naqsh-e-pā karūñ

ḳhush ūftādgī ki ba-sahrā-e-intizār

juuñ jaada gard-e-rah se nigah surma-sā karūñ

sabr aur ye adā ki dil aave asīr-e-chāk

dard aur ye kamīñ ki rah-e-nāla vā karūñ

vo be-dimāġh-e-minnat-e-iqbāl huuñ ki maiñ

vahshat ba-dāġh-e-sāya-e-bāl-e-humā karūñ

vo iltimās-e-lazzat-e-be-dād huuñ ki maiñ

teġh-e-sitam ko pusht-e-ḳham-e-iltijā karūñ

vo rāz-e-nāla huuñ ki ba-sharh-e-nigāh-e-ijz

afshāñ ġhubār-e-surma se fard-e-sadā karūñ

luuñ vaam baḳht-e-ḳhufta se yak ḳhvāb-e-ḳhush asad

lekin ye biim hai ki kahāñ se adā karūñ

lun wam baKHt-e-KHufta se yak-KHwab-e-KHush wale

'ghaalib' ye KHauf hai ki kahan se ada karun

KHush wahshate ki arz-e-junun-e-fana karun

jun ghard-e-rah jama-e-hasti qaba karun

gar ba'd-e-marg wahshat-e-dil ka gila karun

mauj-e-ghubar se pur yak dasht wa karun

aa ai bahaar-e-naz ki tere KHiram se

dastar gard-e-shaKH-e-gul-e-naqsh-e-pa karun

KHush uftadgi ki ba-sahra-e-intizar

jun jada gard-e-rah se nigah surma-sa karun

sabr aur ye ada ki dil aawe asir-e-chaak

dard aur ye kamin ki rah-e-nala wa karun

wo be-dimagh-e-minnat-e-iqbaal hun ki main

wahshat ba-dagh-e-saya-e-baal-e-huma karun

wo iltimas-e-lazzat-e-be-dad hun ki main

tegh-e-sitam ko pusht-e-KHam-e-iltija karun

wo raaz-e-nala hun ki ba-sharh-e-nigah-e-ijz

afshan ghubar-e-surma se fard-e-sada karun

lun wam baKHt-e-KHufta se yak KHwab-e-KHush asad

lekin ye bim hai ki kahan se ada karun