ġhāfil ba-vahm-e-nāz ḳhud-ārā hai varna yaañ

ġhāfil ba-vahm-e-nāz ḳhud-ārā hai varna yaañ

be-shāna-e-sabā nahīñ turra gayāh kā

bazm-e-qadah se aish-e-tamannā na rakh ki rañg

said-e-ze-dām-e-jasta hai us dām-gāh kā

rahmat agar qubūl kare kyā ba.iid hai

sharmindagī se uzr na karnā gunāh kā

maqtal ko kis nashāt se jaatā huuñ maiñ ki hai

pur-gul ḳhayāl-e-zaḳhm se dāman nigāh kā

jaañ dar-havā-e-yak-nigah-e-garm hai 'asad'

parvāna hai vakīl tire dād-ḳhvāh kā

tā.ūs-e-dar-rikāb hai har zarra aah kā

yā-rab nafas ġhubār hai kis jalva-gāh kā

uzlat-guzīn-e-bazm haiñ vāmāñdagān-e-dīd

mīnā-e-mai hai aabla pā-e-nigāh kā

har gaam aable se hai dil dar-tah-e-qadam

kyā biim ahl-e-dard ko saḳhtī-e-rāh kā

jeb-e-niyāz-e-ishq nishāñ-dār-e-nāz hai

ā.īna huuñ shikastan-e-tarf-e-kulāh kā

ghafil ba-wahm-e-naz KHud-ara hai warna yan

be-shana-e-saba nahin turra gayah ka

bazm-e-qadah se aish-e-tamanna na rakh ki rang

said-e-ze-dam-e-jasta hai us dam-gah ka

rahmat agar qubul kare kya baid hai

sharmindagi se uzr na karna gunah ka

maqtal ko kis nashat se jata hun main ki hai

pur-gul KHayal-e-zaKHm se daman nigah ka

jaan dar-hawa-e-yak-nigah-e-garm hai 'asad'

parwana hai wakil tere dad-KHwah ka

taus-e-dar-rikab hai har zarra aah ka

ya-rab nafas ghubar hai kis jalwa-gah ka

uzlat-guzin-e-bazm hain wamandagan-e-did

mina-e-mai hai aabla pa-e-nigah ka

har gam aable se hai dil dar-tah-e-qadam

kya bim ahl-e-dard ko saKHti-e-rah ka

jeb-e-niyaz-e-ishq nishan-dar-e-naz hai

aaina hun shikastan-e-tarf-e-kulah ka