میں دیکھتا ہوں تمھیں کو بغیر دیکھے بھی

میں دیکھتا ہوں تمھیں کو بغیر دیکھے بھی تمھیں تو میری غزل ہو بغیر لکھے بھی

کسی بھی چاند کی اتنی کہاں مجال کہ وہ تمھارے پاس بھی آئے اور آ کے چمکے بھی

وہ خامشی بھی بڑی آشنا سی لگتی ہے تو بات کرتی ہے مجھ سے بغیر بولے بھی

تری وفا ترا خوش رنگ پیرہن ہے جو ترے وقار کا حصہ ہے، کوئی سمجھے بھی

نہ روشنی کی طلب ہے، نہ چشمِ بینا کی کہ میرے ساتھ جو تم ہو، یہ کوئی جانے بھی