مثالِ گریِہ شبنم تڑپ گیا میں بھی

مثالِ گریِہ شبنم تڑپ گیا میں بھی کہ ایک پھول کو دیکھا تو روپڑا میں بھی

بلا کے دشت میں تنہا نہیں سفر تیرا قدم قدم ترے پیچھے بہت چلا میں بھی

میں تیرے ہجر میں رو رو کے مر گیا ہوتا عجب سزا ہے مری، مر نہیں سکا میں بھی

یہ کس سخی کی سواری گزرنے والی ہے کہ لوگ راہ سے ہٹنے لگے ہٹا میں بھی

تمھارے ساتھ جو ہوتا تھا ہوگیا لیکن تمھارے واسطے کچھ بھی نہ کرسکا میں بھی

نماز، خواب ، کوئی درد کچھ بھی یاد نہیں ترے خیال میں اتنا اُلجھ گیا میں بھی