کچھ لوگ حقیقت کے شعلوں میں سلگتے ہیں

کچھ لوگ حقیقت کے شعلوں میں سلگتے ہیں کچھ لوگ تخیل کے گلشن میں چمکتے ہیں

یوں بولتے رہنے سے اشعار نہیں بنتے احساس کی حدّت سے جذبات پگھلتے ہیں

خوابوں کے تصرف میں رہنے سے تو اچھا ہے وہ اشک بہا ڈالیں آنکھوں سے جو بہتے ہیں

تم لاکھ تسلی دو لیکن شب ِہجراں میں جو بال بکھرنے ہوں وہ بال بکھرتے ہیں

ہم سے جو بچھڑنا ہو تو دودھ کے پیالے میں تم زہر ملا دینا ہم شوق سے پیتے ہیں

یہ رات قیامت ہے اس رات کے تارے بھی خنجر کی طرح میرے سینے میں اترتے ہیں

میں رات کی صورت ہوں پر یہ بھی حقیقت ہے تم چاند کے ٹکڑے ہو جو شب میں نکلتے ہیں