یہ صبح ِشامِ زوال ہے ترے آنسوؤں کا کمال ہے

یہ صبح ِشامِ زوال ہے ترے آنسوؤں کا کمال ہے مِرے ساتھ دست ِدعا اٹھا کہ قبولیت کا یہ سال ہے

وہ جو ساحلوں کی مراد تھا وہ جو دھڑکنوں کی پکار تھا وہی اب کسی کی بھی آنکھ میں نہ جواب ہے نہ سوال ہے

مِری شام تو نے تو آسماں کی ردا کو سر پہ گرا لیا ذرا دیکھ شام کے موڑ پر کہ ردا کا ملنا محال ہے

نئی رات ہونے سے پیشتر تو گزشتہ شب کا حساب دے ترے ہاتھ میں کوئی ہاتھ تھا مِرے جی کو گہرا ملال ہے

میں کسی کی آنکھ کے نور سے ترے رنگ دیکھنے آگیا مجھے کیا خبر کہ یہ روشنی نہ چراغ ہے نہ ہلال ہے