دلوں کی ترجمانی میں قلم بولے زباں بولے

دلوں کی ترجمانی میں قلم بولے زباں بولے مگر جیسے نظر بولے کوئی ویسے کہاں بولے

یہ غربت ہے محبت ہے کہ اپنوں کی عنایت ہے جوانی کی بہاروں میں جو چہروں پر خزاں بولے

نہیں ! ایسی عبادت کو عبادت تو نہیں کہتے مجالس میں ، مساجد میں، نمازوں میں دُکاں بولے

مِرا ہر دوست میری بے گناہی سے تو واقف ہے یہاں میری حمایت میں کوئی تو مہرباں بولے

جہاں ہونٹوں پہ تالے تھے، جہاں تھا خوف کا عالم جہاں کوئی نہیں بولا مجاہؔد ہم وہاں بولے