دھواں دھواں ہے یہ فضا، یہ آگ کس طرح لگی

دھواں دھواں ہے یہ فضا، یہ آگ کس طرح لگی مِرے خدا، مِرے خدا، یہ آگ کس طرح لگی

یہ تیرے ساتھ کون تھا؟ نہیں، نہیں، کوئی نہیں نہ تھا کوئی تیرے سوا، یہ آگ کس طرح لگی

نہ پیرہن جلا، نہ میرے جسم ہی کو کچھ ہوا جلا تو صرف دل جلا، یہ آگ کس طرح لگی

یہ آتشِ جدیدیت میں خاک ہو گیا بشر یہ کیا ہوا، یہ کب ہوا، یہ آگ کس طرح لگی

دلھن بڑی اداس تھی وہ ایک رات جل گئی کوئی نہیں بتا سکا، یہ آگ کس طرح لگی

مجاہدؔ آج کس طرح ہوا کا رخ بدل گیا جو بچ گیا تھا جل گیا، یہ آگ کس طرح لگی