اپنی شریکِ حیات کی سالگرہ پر

بحرِ احساس میں ڈوبا ہوا وہ شخص ہوں جو، ہر نَفس تیری وفاؤں کے سحرخیز چراغ

اپنے جذبات کے مندر میں جلا لیتا ہوں تیرے لہجے میں یہ پوشیدہ دعاؤں کی مٹھاس روح کے سونے گلستانوں میں بسا لیتا ہوں کشتیِ جاں کبھی اندیشۂ گرداب میں ہو میں تجھے پاس، مری جان، بٹھا لیتا ہوں غمِ دوراں جو مرے دل پہ کبھی وار کرے اپنے آنسو ترے دامن پہ گرا لیتا ہوں آج ہے سالگرہ تیری ہوا کیسی ہے آج ماں ساتھ نہیں ہے تو دعا کیسی ہے