امی کی گیارہویں برسی کے موقع پر

تو حسنِ چمن زارِ محبت کی کلی ہے تو ساعتِ الہام کی نایاب گھڑی ہے

تو صورتِ خورشید اسی گھر میں رہی ہے اب ہاتھ میں کوثر لیے جنت میں کھڑی ہے

صد شکر کہ تو زینتِ اجداد ہے میری صد شکر کہ تو باعثِ کردار ہے میری

اے مادرِ تنویر و مجاہد تو کہاں ہے اے مادرِ قرہ تری خوشبو تو یہاں ہے

اے مادرِ زاہد تیرا جنت میں مکاں ہے اے مادرِ شاہد میں یہاں ہوں تُو وہاں ہے

اے زوجۂ سید !تیرے اک دستِ شفا میں ملتی ہے پنہ ہم کو ترے حرف ِدعا میں

وعدہ ہے کہ ہم تیرا سخن یاد رکھیں گے ایمان کی دولت کا متن یاد رکھیں گے

جو تو نے دیا جینے کا فن یاد رکھیں گے ہم تیری محبت کا لحن یاد رکھیں گے

اللہ تجھے اپنی محبت سے نوازے انوارِ تجلی تجھے عقبیٰ میں دکھا دے