افعی کی طرح ڈسنے لگی موج نفس بھی
Published 13 October 2026
افعی کی طرح ڈسنے لگی موج نفس بھی
اے زہر غم یار بہت ہو چکی بس بھی
یہ حبس تو جلتی ہوئی رت سے بھی گراں ہے
اے ٹھہرے ہوئے ابر کرم اب تو برس بھی
آئین خرابات معطل ہے تو کچھ روز
اے رند بلا نوش و تہی جام ترس بھی
صیاد و نگہبان چمن پر ہے یہ روشن
آباد ہمیں سے ہے نشیمن بھی قفس بھی
محرومیٔ جاوید گنہگار نہ کر دے
بڑھ جاتی ہے کچھ ضبط مسلسل سے ہوس بھی
About Ahmed Faraz (احمد فراز)
احمد فراز (1931–2008) پاکستان کے ممتاز اردو شاعر تھے، جو کوہاٹ میں پیدا ہوئے۔ تنہا تنہا، دردِ آشوب، نایافت، شبخون اور میرے خواب ریزہ ریزہ ان کے شعری مجموعے ہیں۔ غزل میں ان کا مقام زبان کی سلاست اور جذبے کی شدت کی بدولت ہے اور وہ اردو ادب کے بڑے ناموں میں شمار ہوتے ہیں۔
More Urdu poetry by Ahmed Faraz
- سنا ہے لوگ اسے آنکھ بھر کے دیکھتے ہیں (Ghazal)
- رنجش ہی سہی دل ہی دکھانے کے لیے آ (Ghazal)
- اب کے ہم بچھڑے تو شاید کبھی خوابوں میں ملیں (Ghazal)
- اس سے پہلے کہ بے وفا ہو جائیں (Ghazal)