اے شب زادو، بیدار رہو خورشید اُبھرنے والا ہے

اے شب زادو، بیدار رہو خورشید اُبھرنے والا ہے اس شامِ غریباں کا منظرلمحوں میں بدلنے والا ہے

اے شجر نشینو! اُڑ جاؤ بے رحم ہوا کے جھونکوں میں ہر شاخ و ثمر، ہر غنچہ و گل اک آگ میں جلنے والا ہے

بے تاج ہوا، تاراج ہوا اک تخت نشیں محتاج ہوا اس شہر کا سب سے اونچا گھر دیکھو تو اُجڑنے والا ہے

ہر رنگ میں دنیا بستی ہے ، کہیں رونق ہے کہیں وحشت ہے کوئی سایہ ِ زلف میں رہتا ہے کوئی جاں سے گزرنے والا ہے