ابھی آنکھوں میں اشکوں کا ذخیرہ ہے، سو رونے دو

ابھی آنکھوں میں اشکوں کا ذخیرہ ہے، سو رونے دو جدائی کا ابھی تو زخم تازہ ہے، سو رونے دو

یہاں ہر شہر کوفہ ہے، یہاں ہر دشت کربل ہے ستم ہے، بے وفائی ہے، تماشا ہے، سو رونے دو

نہ رونے سے تو دل کا بوجھ، دل کو توڑ دیتا ہے گھٹن میں، درد میں رونا ہی اچھا ہے، سو رونے دو

مِرے سر پر ابھی سے موت کے پنچھی کی پرواز یں ادھورا ہے ابھی ہر سانس ادھورا ہے، سو رونے دو

مٹا ڈالے مشینوں نے ہمارے فاصلے لیکن مجاہد ؔبزمِ یاراں میں بھی تنہا ہے، سو رونے دو