ساز، یہ کینہ ساز کیا جانیں

کلیاتِ داغ

Published 14 October 2026

ناز والے نیاز کیا جانیں

کب کسی در کی جُبّہ سائی کی

شیخ صاحب نماز کیا جانیں

جو رہِ عشق میں قدم رکھیں

وہ نشیب و فراز کیا جانیں

پوچھئے مے کشوں سے لطفِ شراب

یہ مزہ پاک باز کیا جانیں

حضرتِ خضر جب شہید نہ ہوں

لطفِ عمرِ دراز کیا جانیں

جو گزرتے ہیں داغ پر صدمے

آپ بندہ نواز کیا جانیں

داغ دہلوی

About Dagh Dehlvi (داغ دہلوی)

داغ دہلوی (1831 – 1905) اردو غزل کے ممتاز شاعر تھے۔ اپنی سادہ اور دلکش زبان اور شاگردوں کی تربیت کے لیے مشہور ہوئے۔